1. Истакнете ги веѓите

Дефинирањето и нагласувањето на веѓите е првиот чекор за освежување на вашиот изглед. Веѓите можете да ги дефинирате со моливче, сенка или гел за веѓи, а потоа да ги нагласите со бело или моливче неколку нијанси посветло од вашата кожа.

2. Сокријте ги темните кругови околу очите

Освен ако не сакате да изгледате како панда, коректорот е ваш најдобар пријател за да изгледате будно и свежо. Само внимавајте при изборот на тонот и да не нанесете преголема количина. Тука секогаш важи правилото што помалку, тоа подобро.

3. Истакнете ги јаболчиците со илуминатор

Третиот чекор за освежување на вашиот изглед е истакнување на цртите со илуминатор. Купете некој со седефаст финиш, без светки, кој ќе можете да го употребувате и преку ден. Некои од клучните позиции каде се нанесува луминаторот се јаболчиците, по должината на носот, и на средината на горната усна.

4. Трик за пополни усни

Овој трик за создавање на илузија на полни усни го користел и шминкерот на Мерлин Монро, која е позната по перфектниот изглед. Иако можете да го искористите со различни темни видови на кармин, најубав ефект се постигнува на црвен кармин. Се што ви е потребно е златеста сенка која ќе ја нанесете на средината на горната и долната усна, откако ќе го нанесете карминот.

5. Мала количина на светки нанесени на вистинското место

Иако за многу луѓе светките се асоцијација за кич, нанесување на истите во минимална количина и на право место може да го освежи вашиот поглед инстантно. Едно од најдобрите места за нанесување на светки е под долните трепки.

The post Топ 5 холивудски трикови за шминкање appeared first on Блог.